शरद पवारांचं पावसातील ‘ते’ भाषण ज्यामुळे महाराष्ट्राचं राजकारण ढवळलं होत !

‘शरद पवारांचं पावसातील भाषण ‘ हे चार शब्द महाराष्ट्राच्या राजकारणाशी चिरपरिचित असलेल्या कोणालाही ‘ते’ भाषण आठवून देण्यास पुरेसं आहे. राष्ट्रवादीचे सर्वेसर्वा शरद पवार यांनी सातारा लोकसभा पोट निवडणुकीच्या पार्श्वभूमीवर घेतलेल्या ‘न भूतो न भविष्यति’ अशा या सभेला एक वर्ष पूर्ण झालं आहे .

व्हिडिओ सोशल मीडियावर मोठ्या प्रमाणावर वायरल

मागच्या वर्षी याच दिवशी मुसळधार पावसात महाराष्ट्राच्या सातारा येथे एका निवडणूक रॅलीला संबोधित करताना राष्ट्रवादी काँग्रेस पक्षाचे (राष्ट्रवादी काँग्रेस) प्रमुख शरद पवार यांचे फोटो आणि व्हिडिओ सोशल मीडियावर मोठ्या प्रमाणावर शेअर केले जात होते.

विधानसभा निवडणुकीपूर्वी राष्ट्रवादी काँग्रेसचा बालेकिल्ला समजल्या जाणाऱ्या सातारा येथील जमावाला संबोधित करताना शरद पवार हे उपस्थितांना संबोधित करत होते.लोकसभा पोटनिवडणूक लढवणाऱ्या पक्षाच्या उमेदवारांसाठी तसेच विधानसभा निवडणूक लढवणाऱ्या पक्षाच्या उमेदवारांसाठी राष्ट्रवादी काँग्रेसने पवारांची हि रॅली आयोजित करण्यात आली होती.

आपण चूक केल्याची कबुली….

शरद पवार बोलू लागताच पाऊस सुरू झाला आणि गर्दी कायम राहिल्याने या नेत्याने भाषण चालू ठेवणे पसंत केले.विशेष म्हणजे शरद पवार यांच्या पायाला जखम झालेली होती. अशा स्थितीतही त्यांनी पाऊस कोसळत असताना भाषण सुरु ठेवलं.

ऐशी वर्षांच्या योद्ध्यावर फक्त राष्ट्रवादी समर्थकांनीच स्तुतिसुमनं उधळली, अशातील भाग नाही, तर भाजप वगळता इतर पक्षातील दिग्गज नेते, सर्वसामान्य नागरिकांनीही सोशल मीडियावर कौतुक केलं होत.

“वरुण राजा (हिंदू पुराणकथांमध्ये पाऊस देव) राष्ट्रवादी काँग्रेसला आशीर्वाद दिला आहे. त्यांच्या आशीर्वादाने सातारा जिल्हा आता आगामी निवडणुकीत जादू करेल,’ असे त्या वेळी शरद पवारांनी आपल्या भाषणात म्हटले होते.त्यावेळी लोकसभा निवडणुकीसाठी साताऱ्यात उदयनराजे भोसले यांची आपल्या पक्षाचे उमेदवार म्हणून निवड करताना आपण चूक केल्याची कबुलीही पवारांनी दिली होती .

सर्व स्तरातून झाले होते कौतुक

शरद पवारांच्या मेळाव्यातील गर्दीने शरद पवारांचं भाषण पूर्ण होईपर्यंत मैदान सोडल नव्हत.त्यावेळी समाज माध्यमांमध्येही पावसात भिजत असतानाही आपले भाषण चालू ठेवल्याबद्दल राष्ट्रवादी काँग्रेसच्या प्रमुखांचे कौतुक करण्यात आले.

भाजपला झटका

विशेष म्हणजे पवारांचं आवाहन साताऱ्यातील जनतेने मनावर घेतलं. भाजपच्या तिकीटावर लोकसभा पोटनिवडणुकीच्या रिंगणात उतरलेल्या उदयनराजेंना दणदणीत पराभव झाला. तर श्रीनिवास पाटील मोठ्या लोकसभेवर निवडून गेले. हा पराभव उदयनराजेंच्याही जिव्हारी लागला होता. भाजपने उदयनराजेंच राज्यसभेवर पुनर्वसन केलं. मात्र भर पावसातील शरद पवारांची ऐतिहासिक सभा उदयनराजे आणि भाजपला मोठी जखम देऊन गेली हे हि मात्र तेवढच खर .