मुंबई आणि मुंबईमधील गुन्हेगारी जगाच्या किस्स्यामध्ये अनेकांना इंटरेस्ट असो किंवा नसो पण तरीही सगळ्या लोकांना एक नाव माहित असेल, ते नाव म्हणजे छोटा राजन

छोटा राजनचे नाव ऐकताच तुम्हाला प्रश्न पडला असेलच मुंबईमध्ये कोणी मोठा राजन पण होता का ?

तर याच उत्तर आहे “हो”

मुंबई गुन्हेगारी जगतात छोटा राजनची गोष्ट जिथून सुरू होते, तिथे बडा राजन अर्थात राजन नायरची कहाणी संपते.

मुंबईतील गुन्हेगारी विश्वावर लक्ष ठेवून असणारे लोक सांगतात कि राजन नायरचा पहिला व्यवसाय हा एक टेलरिंग होता. त्यातून तो दिवसाला 25 ते 30 रुपये कमवायचा. पण हा बडा राजन  एका मैत्रिणीच्या प्रेमात पडला आणि गुन्हेगारीकडे वळला.

बडा राजनच्या गुन्हेगारी जगाची सुरुवात टाइपरायटर चोरीपासून सुरू झाली.

चोरी केलेल्या पैशातून राजन आपल्या मैत्रिणीच्या गरजा भागू लागल्या. पण पोलिसांनी बडा राजनला अटक केली आणि त्याला तीन वर्षांसाठी तुरूंगात पाठविले. काही महिन्यांनी तुरुंगातून बाहेर आल्यानंतर राजन नायरने रागाने आपली टोळी तयार केली. ‘गोल्डन गँग’, ज्याला ‘बडा राजन गँग’ असे नाव पडले.

आपली टोळी बनवताना राजनने टोळीत एक अब्दुल कुंजू यालाही घेतले होते. पण याच अब्दुल कुंजूने काही दिवसांनंतर राजन नायरच्या मैत्रिणीशी लग्न केले. त्यामुळे दोघांची मैत्री दुष्मनीत बदलली.

गुन्हेगारीचे वृत्तांकन करणाऱ्या काही वृत्तपत्राच्या मते पुढे मुंबईतील कुख्यात पठाण बंधूंनी कुंजुच्या मदतीने बडा राजन म्हणजे राजन नायर यांची कोर्टाबाहेर हत्या केली.

राजन नायर हा अंडरवर्ल्डचा पहिला राजन होता. बडा राजन यांच्या निधनानंतर छोटा राजन मुंबईच्या गुन्हेगारी विश्वात पुढे आला.

छोटा राजन अर्थात राजेंद्र निकाळजे

राजेंद्र सदाशिव निकाळजे म्हणजे छोटा राजन. ६०च्या दशकात मुंबईमधील चेंबूरच्या टिळक नगर मध्ये एका मराठी कुटुंबात याचा जन्म झाला. सुरुवातीपासून राजनला अभ्यासामध्ये फारसा रस नव्हता. त्यामुळे फक्त पाचवीपर्यंत शिक्षण घेतल्यानंतर राजनने शाळा सोडली आणि गुन्हेगारी विश्वात पाऊल ठेवले.

७० च्या दशकाच्या अखेरच्या टप्यात पोलिसांनी काळ्या धंद्यावर कडक कारवाई सुरु केली. पण याच काळात राजन गुन्हेगारी विश्वात पुढे आला. मुंबईतील सहकार सिनेमाबाहेर ब्लॅकने तिकीट विकत असताना पोलिसांनी लाठीचार्ज केला.

त्यामुळे रागावलेल्या राजनने पोलिसांचीच काठी घेवून पोलिसांना मारहाण करण्यास सुरवात केली. कदाचित पोलिसांशी छोटा राजनशी झालेली हि पहिली चकमक होती.

छोटा राजनच्या या आक्रमक पवित्र्यामुळे मुंबईतील अनेक गुन्हेगारी टोळ्या टोळ्यांना सुमारे पाच फूट तीन इंचाच्या राजेंद्रमध्ये सामील व्हायचे होते. राजेंद्रने बडा राजन टोळीत सामील होण्याचा निर्णय घेतला आणि मुंबई च्या गुन्हेगारी वर्तुळात छोटा राजनचा दबदबा सुरु झाला.

आज दिल्लीमध्ये कोरोनामुळे छोटा राजनचा मृत्यू झाला आहे. मुंबईच्या गुन्हेगारी विश्वातला एक धडा संपला आहे.